ໃນວັນທີ 20 ກັນຍາ 2023 ທີ່ໂຮງຫມໍມະໂຫສົດ, ນະຄອນຫຼວງວຽງຈັນ, ສປປ ລາວ –ທ່ານ ສີຫາມະໂນ ບັນນະວົງ, ຜູ້ບໍລິຫານສູງສຸດ ກຸມ່ບໍລິສັດ KST, ທັງເປັນຜູ້ອຳນວຍການ ບໍລິສັດ ວຽງທອງການຢາ ຂາອອກ-ຂາເຂົ້າ ຈຳກັດຜູ້ດຽວ ໄດ້ເຂົ້າຮ່ວມງານ ແລະ ມີຄຳເຫັນ ໃນພິທີມອບ-ຮັບຢາປິ່ນປົວພະຍາດເບົາຫວານປະເພດ1 ແລະ ອຸປະກອນການແພດ ພາຍໃຕ້ໂຄງການຊ່ວຍເຫລືອລ້າ ພະຍາດເບົາຫວານປະເພດ1 ໄລຍະທີ່ IV ຂອງອົງການ Action4Diabetes (A4D) ໃຫ້ແກ່ເດັກນ້ອຍລາວທີ່ເປັນພະຍາດເບົາຫວານປະເພດ1 (T1D).
ຄູ່ຮ່ວມພັດທະນາໃນໂຄງການ ຂອງອົງການ Action4Diabetes (A4D) ປະກອບມີ: ບໍລິສັດ ອີລີ ລິນລີ້ (Eli Lily and Company), ໂຮງຫມໍ ມະໂຫດສົດ ແລະ ບໍລິສັດ ວຽງທອງການຢາ ຂາອອກ-ຂາເຂົ້າ ຈຳກັດຜູ້ດຽວ (VTP).

ໃນຖານະທີ່ ບໍລິສັດ ວຽງທອງການຢາ (VTP) ເປັນຫນື່ງຄູ່ຮ່ວມພັດທະນາທີ່ສໍາຄັນໃນໂຄງການນີ້, ພວກເຮົາ ມີຄວາມມຸ້ງຫມັ້ນປະກອບສ່ວນເຂົ້າໃນໂຄງການດັ່ງກ່າວຢ່າງຕັ້ງຫນ້າ ໂດຍການອຳນວຍຄວາມສະດວກ ທາງດ້ານສະຖານທີ່ຈັດເກັບ ແລະ ການຈັດສົ່ງ ທີ່ໄດ້ມາດຕະຖານສາກົນ ເພື່ອຮັບປະກັນ ໃຫ້ການຈັດສົ່ງຜະລິດຕະພັນຢາເຢັນຂອງໂຄງການ ໄປເຖິງຜູ້ຊົມໄຊ້ ຢ່າງມີປະສິດທິພາບ.
ໂຄງການນີ້ ຖືເປັນອີກຫນື່ງໂຄງການຊ່ວຍເຫລືອສັງຄົມທີ່ ບໍລິສັດ ວຽງທອງການຢາ ໄດ້ປະກອບສ່ວນຢ່າງຕັ້ງຫນ້າ ເພື່ອຊ່ວຍໃຫ້ການປະຕິບັດໂຄງການຊ່ວຍເຫລືອລ້າ ພະຍາດເບົາຫວານປະເພດ1 ໄລຍະທີ່ IV ຂອງອົງການ Action4Diabetes (A4D) ໃຫ້ປະສົບຜົນສໍາເລັດຢ່າງມີປະສິດຕິພາບ.

ໃນວັນທີ 8 ເມສານີ້, ກົມໃຫຍ່ພະລາທິການ ກະຊວງປ້ອງກັນຄວາມສະຫງົບ ຮັບເຄື່ອງຊ່ວຍເຫຼືອ ຈາກກຸ່ມບໍລິສັດ ໃສສະອາດການຢາ, ບໍລິສັດ ວຽງ ທອງການຢາ ແລະ ບໍລິສັດ ດີແອັນເຄການຢາ ລວມ ມູນຄ່າທັງໝົດ 235.000.000 ກີບ ເພື່ອປະກອບ ສ່ວນເຂົ້າໃນວຽກງານປ້ອງກັນ ແລະ ຄວບຄຸມການ ແພ່ລະບາດຂອງພະຍາດໂຄວິດ-19, ໂດຍມີ ພົຈວ ໝູ ດີ ມີໄຊຍະລາດ ຫົວໜ້າກົມໃຫຍ່ພະລາທິການ ແລະ ພາກສ່ວນທີ່ກ່ຽວຂ້ອງເຂົ້າ ຮ່ວມ

ທ່ານ ສີຫາມະໂນ ບັນນາວົງ ຜູ້ບໍລິຫານສູງສຸດ ກຸ່ມບໍລິສັດການຢາ ກ່າວວ່າ: ເຄື່ອງທີ່ນຳມາມອບຄັ້ງນີ້ ປະກອບມີ: ເຄື່ອງດູດຂີ້ສະເຫຼດ 1 ຊຸດ, ຕົວລ້າງເຄື່ອງ ກວດຄໍໜຽງ 2 ຊຸດ, ເຄື່ອງແທກຫົວໃຈ 1 ຊຸດ ລວມ ມູນຄ່າທັງ ໝົດ 235.000.000 ກີບ, ເພື່ອປະກອບ ສ່ວນເຂົ້າໃນວຽກງານຕ້ານການແຜ່ລະບາດຂອງ ພະຍາດໂຄວິດ-19. ໃນຕອນທ້າຍ, ຫົວໜ້າກົມໃຫຍ່ພະລາທິການ ໄດ້ແດງຄວາມຂອບໃຈ ແລະ ຊົມເຊີຍມາຍັງກຸ່ມ ບໍລິສັດການຢາທີ່ເຫັນໄດ້ເຖິງຄວາມສໍາຄັນຂອງການ ຕ້ານ ແລະ ສະກັດກັ້ນພະຍາດດັ່ງກ່າວ. ຈາກນັ້ນ, ໄດ້ ມີການມອບໃບກຽດຕິຄຸນໃຫ້ກັບກຸ່ມບໍລິສັດດັ່ງກ່າວ

ຂ່າວໃຫ້ຮູ້ອີກວ່າ ໃນວັນດຽວກັນນີ້, ຄະນະ ຊາວໜຸ່ມປະຊາຊົນ ປະຕິບັດລາວ ໄດ້ມອບວັດຖຸອຸປະ ກອບທີ່ຈຳ ເປັນໃນການຕ້ານ ແລະ ສະກັດກັ້ນພະຍາດ ໂຄວິດ-19 ໃຫ້ກັບຄະນະສະເພາະກິດຂອງກຳລັງ ປ້ອງກັນຄວາມສະຫງົບ, ເຊິ່ງປະກອບມີ: ແພອັດປາກ 4.000 ອັນ, ນໍ້າຢາຂ້າເຊື້ອ 1 ຕຸກ, ນໍ້າຢາລ້າງມື 30 ຕຸກ, ນ້ຳຢາລ້າງມືຕຸກກາງ 2 ຕຸກ ລວມມູນຄ່າ ທັງໝົດ 13.700.000 ກີບ. ກ່າວມອບໂດຍ ທ່ານ ອາລຸນໄຊ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິບັດລາວ ແລະ ກ່າວຮັບໂດຍ ພັອ ຈູມ ມະນີ ວົງມະນີຮອງຫົວໜ້າກົມໃຫຍ່ສັນຕິບານ ຄະນະ ສະເພາະກິດຕ້ານການແພ່ລະບາດພະຍາດໂຄວິດ-19 ກະຊວງປ້ອງກັນຄວາມສະຫງົບ

ໃນໄລຍະອາທິດທີ່ຜ່ານມາ ບໍລິສັດ ວຽງທອງການຢາ, ບໍລິສັດ ໃສສະອາດການຢາ (ຮ້ານຂາຍຢາໃສສະອາດ) ແລະ ບໍລິສັດ ດີແອນເຄ ການຢາ ເຊີ່ງທັງສາມເປັນບໍລິສັດໃຫຍ່ທີ່ໄດ້ຮັບຄວາມໄວ້ວາງໃຈຈາກພາກລັດໃນການສະໜອງສິນຄ້າປະເພດ ຢາ, ອຸປະກອນຫານແພດ ແລະ ການບໍລິການໃນຂົງເຂດສາທາລະນະສຸກ ເຊັ່ນດຽວກັບຄວາມໄວ້ວາງໃຈຈາກພີ່ນ້ອງປະຊາຊົນລາວມາຕະຫລອດ 30 ກວ່າປີ.

ໃນຊ່ວງທີ່ປະເທດຊາດກຳລັງຕໍ່ສູ້ກັບວິກິດການໂຣກລະບາດ Covid-19 ພວກເຮົາທັງສາມບໍລິສັດ ກໍ່ບໍ່ສາມາດນິ້ງນອນໃຈໄດ້ ຈື່ງຂໍເປັນສ່ວນຫນື່ງໃນການສະໜັບສະໜູນທາງພາກລັດ, ບັນດາແພດໝໍ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ໃນການຮັບມືປ້ອງກັນແລະຕໍ່ສູ້ກັບໄພຮ້າຍໃນຄັ້ງນີ້ເຊິ່ງປະກອບມີ ອຸປະກອນການແພດ, ເຄື່ອງອຸປະໂພກ ແລະ ບໍລິໂພກທີ່ຈຳເປັນ ລວມມູນຄ່າກວ່າ 579,200,000 ກີບ

ໂດຍແຈກຢາຍໃຫ້ແກ່:
1. ກົມໃຫຍ່ພະລາທິການ ກະຊວງປ້ອງກັນຄວາມສະຫງົບ ມູນຄ່າ: 235,000,000 ກີບ
2. ກົມເສນາຮັກ ກະຊວງປ້ອງກັນປະເທດ ມູນຄ່າ: 232,000,000 ກີບ.
3. ພະແນກສາທາລະນະສຸກ ນະຄອນຫຼວງວຽງຈັນ ເພື່ອນໍາໄປແຈກຢາຍໃຫ້ແກ່ໂຮງໝໍເມືອງ 9 ຕົວເມືອງ ມູນຄ່າ: 51,000,000 ກີບ
4. ກົມປິ່ນປົວ ກະຊວງສາທາລະນະສຸກ ນໍາໄປແຈກຢາຍໃຫ້ໂຮງໝໍສູນກາງ ແລະ ສູນປິ່ນປົວ ມູນຄ່າ: 43,000,000 ກີບ,
5. ໜ່ວຍສະເພາະກິດຕ້ານລະບາດພະຍາດໂຄວິດ-19 ທີ່ນະຄອນຫຼວງພະບາງ ມູນຄ່າ: 18,200,000 ກີບ.

ທາງທີມຜູ້ບໍລິຫານແລະພະນັກງານຂອງທັງ 3 ບໍລິສັດ ຫວັງຢ່າງຍິ່ງວ່າ ການປະກອບສ່ວນຄັ້ງນີ້ ຈະເປັນອີກແຮງໜື່ງຮ່ວມສະໜັບສະໜູນ ທາງພາກລັດ, ບັນດາແພດໝໍ ແລະ ພີ່ນ້ອງຊາວລາວໃນການຕໍ່ສູ້ ແລະ ຂ້າມຜ່ານວິກິດນີ້ໄປນຳກັນ